- जिल्हा परिषदेच्या शिक्षण विभागामार्फत प्रवित्र प्रणालीतून नियुक्ती झालेल्या शिक्षकांपैकी गर्भवती, अपंग, दुर्धर आजार व चिमुकले बाळ असलेल्या महिला शिक्षकांनाही जिवतीसारख्या अवघड क्षेत्रात पाठविले असताना एका शिक्षिकेसाठी शिक्षण विभाग लाचार झाल्याचेही शैक्षणिक वर्तुळात बोलले जात आहे. दरम्यान, इतर काही शिक्षकांना सुगम क्षेत्रात नियुक्ती दिली असती तर काही हरकत नव्हती. मात्र, एका शिक्षिकेसाठी शिक्षण विभागाचे अधिकारी हतबल झाले असल्याचेही बोलले जात आहे. या नियुक्तीमागे कोणत्या शक्तीने काम केले याबाबत तर्कवितर्क लावले जात आहे. दरम्यान, गेल्या काही दिवसांपासून पवित्र प्रणालीअंतर्गत सुरू असलेल्या भरती प्रक्रियेचा हा अपवित्र कारनामा पुन्हा उजेडात आल्याने शिक्षकांमध्ये असंतोषाची भावना निर्माण झाली होती. यापैकी प्राथमिक विभागातील १३२ शिक्षकांपैकी तब्बल १३१ शिक्षकांना अवघड क्षेत्रात नियुक्ती देण्यात आली आहे. सर्वाधिक १३० शिक्षक जिवती तालुक्यात तर एका शिक्षकाला कोरपना तालुक्यात नियक्ती देण्यात आली आहे. मात्र, चिमूरच्या कोमल सत्यनारायण मडपूवार या शिक्षिकेला सुगम क्षेत्र असलेल्या चिमुरातच नियुक्ती देवून शिक्षण विभागाने नियमांचे वाभाडे काढले आहे.
शिक्षक बदली समुपदेशन प्रक्रियेत दुर्धर आजार अंतर्गत ‘आजार प्रमाणपत्र’ सादर केलेल्या प्रमाणपत्राची शिक्षणाधिकारी प्राथमिक यांनी पडताळणी न करता, बनावट प्रमाणपत्र आधारे केलेल्या बदल्या शासन निर्णयाच्या दृष्टीने बेकायदेशीर ठरतं असल्याने, आणि नियमांचे उल्लंघन केल्याने,शिक्षणाधिकारी प्राथमिक (राजकुमार हिवारे) जिल्हा परिषद चंद्रपूर यांनी म.ना.से (वर्तणूक) नियम १९७९ चा भंग केल्याने, शिस्तभंग विषयक कार्यवाहीस पात्र ठरतात. परंतु वर्ग २ कर्मचारी यांना वरिष्ठांचे वरदान असते असाच अनुभव आहे.
कृपया बातमीला जास्तीत जास्त शेयर करा.
 राजकुमार हिवारे यांचा पवित्र प्रणाली ब बदलतील अपवित्र कारनामा !शिक्षण विभागाने शासन निर्णयाची पायमल्ली करून पवित्र प्रणाली अंतर्गत शिक्षकांचे समायोजन यापूर्वी जिल्हातील बदली पात्र शिक्षकांचे समायोजन करण्याचे आदेश असतानासुद्धा आधी पवित्र प्रणालीतील शिक्षकांचे समायोजन करण्यात आले. ही घोडचूक लक्षात येताच घाईघाईने दि. १४ मार्च २०२४ रोज गुरुवारता गुरुवारता ३-०० वाजता बदली पात्र शिक्षकांना गोपनीय रित्या सूचना देवून लगेच ५.०० वाजता समायोजन प्रक्रियेला सुरुवात केली होती १०० किमी अंतरावरून यादीतील शिक्षक उपास्थित झालेत हे दिव्यच! परंतु यादीत ऐन वेळेवर शिक्षकांना संधी देण्यात आली ? यादी कशी फुगली याबाबतही आश्चर्य व्यक्त केला जात आहे.दि.१४.०३.२०२४ च्या शिक्षणाधिकारी (प्राथमिक) जिल्हा परिषद चंद्रपूर यांच्या पत्रानुसार ‘दुर्धर आजार व पती पत्नी एकत्रीकरण ‘ सबबीवर शिक्षकांना बदली देण्याबाबत दि. १४.०३.२०२४ रोजी दुपारी ५-०० वा. हजर राहण्यास व्यक्तिशः कळवावे असे शिक्षणाधिकारी प्राथमिक यांनी गटशिक्षणाधिकारी (सर्व) यांना कळविले होते,सर्व गटशिक्षणाधिकारी मी युद्ध पातळीवर काम करुन, यादीतील शिक्षकांना सूचना केल्या ? पण शिक्षक मात्र समुपदेशन बदली प्रक्रियेसाठी पात्र दुर्धर आजार व पती-पत्नी एकत्रीकरण पुरावा घेउन रात्री उशिरापर्यत समुपदेशन बदली करून ती प्रक्रिया राबविली होती.पवित्र प्रणालीतील शिक्षक भरतीपूर्वी इतर शिक्षकांची बदली करण्याचे आदेश असताना शिक्षण विभागाने एकाच दिवशी दुपारनंतर सूचना आणि दुपारनंतर ४ वाजता बदली समुपदेशन प्रक्रिया पार पाडली हे विशेष.दि. ९ डिसेंबर २०२३ च्या बदली समुपदेश प्रक्रियेत सुद्धा ‘ वेळेवर काही विशिष्ठ शिक्षकांचे यादीत नाव समाविष्ठ करून ,नियमबाह्य व लबाडीने केलेले बदली समुपदेशन प्रक्रिया रद्द करून, बदली समुपदेशन नव्याने घेण्याबाबत शिक्षणाधिकारी ( प्राथमिक) जि. प. चंद्रपूर यांना स्वतंत्र जिल्हा परिषद कर्मचारी संघटनेच्या दि० २९/१२/२०१३ च्या पत्रानुसार उप मुख्य कार्यकारी अधिकारी (साप्रवि) जिल्हा परिषद चंदपूर यांनी दि० २४/०१/ २०२३ चा पत्राद्वारे कळविले होते. परंतु शिक्षणाधिकारी प्राथमिक यांनी केराची टोपली दाखविली.हे सत्य.दि. ९ डिसेंबर २०२३ ला काही शिक्षकांच्या बदल्या करण्यात आल्या होत्या. या बदलीमध्ये एका शिक्षकांची अवघड क्षेत्र असलेल्या ‘जिवती’ तालुक्यात बदली करण्यात आली होती. परंतू तो शिक्षक तीन महीने रुजू झालाच नाही पवित्र प्रणालीतील शिक्षकांच्या नियुक्ती आधी इतर शिक्षकांची बदली करण्याच्या शासनाच्या आदेशाचा आधार घेत अवघ्या तीन महिन्यांत पुन्हा त्या मर्जीतील शिक्षकाला बदलीची संधी देण्यात आली.जे की नियमबाह्य आणि बेकायदेशीर आहे.दिनांक १४ मार्च २०२४ रोजी झालेल्या बदली प्रक्रियेत या शिक्षकाला तालुका पोंभुर्ण्यातीय ” सातारा तुकूम ” शाळा येथे ‘बदलीने पाठविण्यात आले. परंतू याच शाळेवर या मर्जीतील शिक्षकांपूर्वी संवर्ग २ मधून एका महिला शिक्षिकेची बदली करण्यात आली होती. परतू त्यांना रुजू करून न घेतल्याने, शिक्षकाने संधी साधत बदली नंतर अवघ्या १२ तासात त्या ठिकाणी रूजू होण्याची किमया करून दाखविली .){kind=link}